मित्राला पत्र लेखन मराठी | मराठी पत्रलेखन नमुना :- मित्रांनो या लेखामध्ये आज आपण Marathi Patra Lekhan Mitrala कशाप्रकारे लिहायचे हे आपण या लेखामध्ये पाहणार आहोत . याच लेखामध्ये आम्ही तुमच्या साठी विविध प्रकारचे मराठी पत्र लेखन नमुना पाहणार आहोत . जेणेकरून तुम्हांला पत्रलेखन करणे सोपे जाईल .
मित्राला पत्र लेखन मराठी या लेखामध्ये आपण खालील मुद्द्यांवर पत्रलेखन पाहणार आहोत .
- चित्रकला स्पर्धेत मित्राचा प्रथम क्रमांक आल्याबद्दल त्याचे अभिनंदन करणारे पत्र लिहा.
- विज्ञान प्रदर्शनात प्रथम पारितोषिक मिळाल्याबद्दल तुमच्या मित्राचे अभिनंदन करणारे पत्र लिहा.
- तुमच्या वाढदिवसाचे आमंत्रण देण्यासाठी तुमच्या मित्राला पत्र लिहा.
- दिवाळीच्या सुट्टीत तुमच्या घरी बोलावण्यासाठी मित्राला पत्र लिहा.
- तुमच्या मित्राला वाढदिवसाच्या शुभेच्छा देणारे पत्र लिहा.
- तुमच्या मित्राला निबंध स्पर्धा मध्ये प्रथम क्रमांकाचं पारितोषिक मिळालं त्यासाठी अभिनंदन करणारे पत्र लिहा .
Content
Show
मित्राला पत्र लेखन मराठी | मराठी पत्रलेखन नमुना
1. चित्रकला स्पर्धेत मित्राचा प्रथम क्रमांक आल्याबद्दल त्याचे अभिनंदन करणारे पत्र लिहा.
प्रति , श्रवण पाटील , रुपनगर , शनिवार पेठ , सातारा , महाराष्ट्र . दिनांक :- २० जून २०२२ प्रिय मित्र , आज मी जेव्हा शाळेत आलो त्यावेळेस फळ्यावर तुझे नाव पाहिले , त्याच्यानंतर तेथे काही जे लिहिले होते , ते सर्व वाचले . यानंतर मला फारच आनंद झाला . कारण तुझा चित्रकला स्पर्धेमध्ये प्रथम क्रमांक आला होता . हे सर्व वाचताच माझा आनंद गगनात मावेनासा झाला . मला झालेला आनंद हा मी तुला शब्दांमध्ये सांगू शकत नाही . पण आज खऱ्या अर्थाने तुझी मेहनत केली , त्या मेहनतीचे यश तुला मिळालेच . कारण मला माहित आहे , की तू या स्पर्धेच्या आधी तिचे दिवस तू या स्पर्धेसाठी सराव करत होतास . ही बातमी मी घरी गेल्यावर आई-बाबांना देखील सांगितली . त्यांना देखील फार आनंद झाला आणि त्यांनी देखील तुझे खूप कौतुक केले . या पत्रातून तुला जास्त काही सांगणार नाही , पण तू जी मेहनत घेतली , त्या मेहनतीचे फळ तुला आज मिळाले . तू अशीच मेहनत पुढेही करीत राहा . तुला जे मिळवायचे आहे ते तू नक्की मिळवशील . तुला तुझ्या भावी वाटचालीस माझ्याकडून आणि घरातील सर्वच व्यक्तींकडून खूप खूप शुभेच्छा…! तुझा जिवलग मित्र , अभी सणस
2. विज्ञान प्रदर्शनात प्रथम पारितोषिक मिळाल्याबद्दल तुमच्या मित्राचे अभिनंदन करणारे पत्र लिहा.
प्रति , श्रीतेज जाधव , तेजस्वी नगर , रविवार पेठ , सातारा , महाराष्ट्र . दिनांक :- २८ फेब्रुवारी २०२३ प्रिय मित्र , मित्रा आज तुझे सर्वांच्या समोर पुढे बोलावून तुला विज्ञान प्रदर्शनामध्ये प्रथम क्रमांक आल्याबद्दल पारितोषिक दिले . यामुळे मी खूप खुश झालो . मला माहीतच होते , की या विज्ञान प्रदर्शनात तुझा ३ मधील एक नंबर ठरलेलाच आहे . कारण तू जे उपकरण बनवलेले होते . ते सर्वांत अनोखी होते . यामुळे तुझा नंबर येणारच याची मला खात्री होतीच . तू पुढे असेच यश मिळवत राहा आणि तुझ्या सोबतच तुझ्या आई वडिलांचे नाव देखील मोठे कर . एवढीच माझी इच्छा आहे आणि मला नक्कीच खात्री आहे , की तू तुझ्या आई वडिलांचे नाव नक्कीच मोठे करशील . तुला तुझ्या भावी वाटचालीस खूप खूप शुभेच्छा….! तुझा मित्र , अभी सणस
3. तुमच्या वाढदिवसाचे आमंत्रण देण्यासाठी तुमच्या मित्राला पत्र लिहा.
प्रति , ओम पाटील , रूप नगर , बुधवार पेठ , सातारा , महाराष्ट्र . दिनांक :- १४ ऑक्टोबर २०२२ प्रिय मित्र , ओम तुला तर माहीतच आहे की माझा वाढदिवस जवळ आलेला आहे , तर या माझ्या वाढदिवसानिमित्त माझ्या घरी वाढदिवस साजरा केला जाणार आहे . या वाढदिवसासाठी आपले बरेचसे मित्र देखील येणार आहेत , तरी तू देखिले या वाढदिवसाच्या दिवशीं घरी नक्की ये . कारण बरेचसे मित्र देखील माझा वाढदिवस साजरा करण्यासाठी घरी येणार आहेत आणि माझी देखील अशीच इच्छा आहे , की तू देखील या वाढदिवसाला साठी यावेस . मला खात्री आहे की मी पत्र पाठवले आहे म्हटल्यावर तू नक्की येशील . मित्र बघ वाढदिवसाच्या बरेच दिवस आधी तुला मी पत्र पाठवले आहे . तुला नक्कीच माझ्या वाढदिवसा साठी यावेच लागेल . तुझा लाडका मित्र , अभी सणस
4. दिवाळीच्या सुट्टीत तुमच्या घरी बोलावण्यासाठी मित्राला पत्र लिहा.
प्रति , आदित्य पाटील , काळे बिल्डींग , २०७७ डी वार्ड , सातारा , महाराष्ट्र . दिनांक :- १७ ऑक्टोबर २०२२ प्रिय मित्र , आदित्य बघ आता थोड्याच दिवसात आपले पेपर संपून आपल्याला दिवाळीच्या सुट्ट्या लागणार आहेत , तर दिवाळीच्या सुट्टीमध्ये माझी अशी इच्छा आहे , की तू आमच्या घरी दिवाळीच्या सुट्ट्या मध्ये राहायला यावेस . कारण मी दिवाळीच्या सुट्टीमध्ये गावी राहायला जाणार आहे तू जर माझ्यासोबत आलास , तर आपण तिथे फार मजा मस्ती करूया . याच बरोबर तुला देखील आमचे गाव पाहायचे होते ना ते देखील पाहून होईल . त्याचबरोबर सर्वांत महत्त्वाचे म्हणजे तुला आवडणारे आनारसे देखील माझी आई बनणार आहे . तू जर आमच्या सोबत दिवाळीच्या सुट्ट्यांमध्ये गावी राहायला आलास , तर मला देखील फार आनंद होईल . तू जर माझ्यासोबत येणार असशील , तर मला नक्की कळव . मी तुझा पत्राची वाट पाहतोय . तुझा प्रिय मित्र , अभी सणस
5. तुमच्या मित्राला वाढदिवसाच्या शुभेच्छा देणारे पत्र लिहा.
प्रति , रोहित पाटील , रूप नगर , बुधवार पेठ , सातारा , महाराष्ट्र . दिनांक :- 2 मे २०२३ प्रिय मित्र , रोहित तुझा आता वाढदिवस जवळ आलेला आहे . मी आधीच पत्र लिहीत आहे . तेव्हा आता तुला वाढदिवसाच्या हार्दिक हार्दिक शुभेच्छा देतो . माझा अभ्यास चालू असल्या कारणाने , मला तुझ्या वाढदिवसानिमित्त घरी यायला जमणार नाही . यामुळे मी तुला पत्राद्वारे शुभेच्छा पाठवत आहे . या शुभेच्छांचा तू स्वीकार कर व कोणताही राग मानून घेऊ नकोस . ज्यावेळी मी सुट्टी लागल्यावर घरी परत येईल , त्यावेळी आपण तुझ्या वाढदिवसानिमित्त एक मोठी पार्टी देखील नक्कीच करूया . मला माहित नाही कि हे पत्र नक्की तुझ्या वाढदिवसाच्या दिवशी पोहोचेल किंवा त्याच्यानंतर पोहोचेल . तू कसलाही राग मानू नकोस , आपण तुझ्या पुढच्या वाढदिवसाला नक्कीच खूप मजा करू या . तुझा मित्र , अभी सणस
६. तुमच्या मित्राला निबंध स्पर्धा मध्ये प्रथम क्रमांकाचं पारितोषिक मिळालं त्यासाठी अभिनंदन करणारे पत्र लिहा .
प्रति , अभिजित पाटील , रूप नगर , बुधवार पेठ , सातारा , महाराष्ट्र . दिनांक :- 17 फेब्रुवारी २०२३ प्रिय मित्र , मित्रा मला आज घरी आल्यानंतर फोन द्वारे कळले , की तुझा निबंध स्पर्धेमध्ये प्रथम क्रमांक आणि याचे तुला पारितोषिक देखील मिळाले . हे ऐकताच मला फार आनंद झाला . ही गोष्ट मी लगेच आपल्या इतर मित्रांना तसेच माझ्या आई-वडिलांना आणि दीदीला देखील सांगितली . सर्वांना फारच आनंद झाला व सर्वांनी तुझे खूप कौतुक केले . तुझा निबंध स्पर्धेमध्ये प्रथम क्रमांक आला , कारण तुझे हस्ताक्षर , तसेच तुझे विचार देखील खूप सुंदर आहेत . कारण तुझे वाचन देखील फार आहे . तू पुढेही असेच प्रयत्न करत राहा आणि यश मिळवत राहा . तू एक दिवस तुझे तुझ्या आई वडिलांचे व तुझ्या गुरूंचे नाव नक्कीच मोठे करशील , याची मला खात्री आहे . तुला तुझ्या पुढील वाटचालीस माझ्याकडून व माझ्या सर्व परिवाराकडून खूप खूप शुभेच्छा..! तुझा जिवलग मित्र , अभी सणस
आपण काय शिकलो ?
मित्राला पत्र लेखन मराठी | मराठी पत्रलेखन नमुना मित्रांनो या लेखामध्ये आज आपण Marathi Patra Lekhan Mitrala कशाप्रकारे लिहायचे हे आपण या लेखामध्ये पहिले . याच लेखामध्ये आम्ही तुमच्या साठी विविध प्रकारचे मराठी पत्र लेखन नमुना देखील पहिला .
मराठी पत्रलेखन नमुना आवडला असेल , तर एक कॉमेंट करून नक्कीच कळवा . तसेच तुमच्या इतर मित्र तसेच मैत्रीणीना देखील नक्कीच शेअर करा . जेणेकरून त्यांना मराठी पत्रलेखन करताना कोणत्याही प्रकारची अडचण येणार नाही .
हे देखील नक्की वाचा :-
- पत्र लेखन मराठी प्रकार
- अभिनंदन पत्र लेखन मराठी 2022
- तक्रार पत्र लेखन मराठी 2022
- मागणी पत्र लेखन मराठी 2022
- जाहिरात लेखन मराठीमध्ये
धन्यवाद ..!
